Menstruation

မိန်းကလေးအများစုဟာ ရာသီသွေးပေါ်တဲ့ကိစ္စကို Blessing တစ်ခုလို မြင်မယ်မထင်ဘူး။ ကိုယ်ကတော့ မြင်တယ်။ အဲ့လို မြင်တတ်ဖို ခံစားတတ်ဖို့ ကိစ္စကလည်း အတွေ့အကြုံနဲ့တော့ ဆိုင်တာပေါ့။

ရာသီလာလို့ ဆိုင်တွေမှာ ‘ဂွမ်းထုပ်’ (Pad) သွားဝယ်ရင် ကျွပ်ကျွပ်အိပ် အမဲနဲ့ ဒါမှမဟုတ် သတင်းစာနဲ့ ပတ်ပြီး ထည့်ပေးလေ့ရှိတယ်။

နောက်ပြီး ရာသီလာလို့ ထမီမှာသွေးစွန်းသွားရင် ကျောင်းစိမ်းပေါ်မှာ အနီကွပ်ကြီးနဲ့ဆိုတော့ ဟာကနဲ ဟင်ကနဲပဲ။ ရာသီလာတဲ့နေ့တွေဆိုရင် ‘ငါ့မှာပေနေလား။ ကြည့်ပေးပါဦးလို့’

ရာသီလာတာကို ဘာကြောင့်ဂုဏ်ယူသင့်သလဲ?
ငယ်ငယ်တုန်းက ဓမ္မတာရာသီလာတာ ရှက်စရာလို့ထင်ဖူးတယ်။ ရာသီသွေးက တကယ်ညစ်ပတ်တယ်လို့ပဲ ထင်ခဲ့တယ်။ဒီအချက်အလက်တွေကို မသိခင်တုန်းကပေါ့။

ရာသီသွေးလာတာရှက်စရာမဟုတ်ပါ။ ကျွန်တော်တို့လူအသိုင်းအဝိုင်းမှာ ရာသီသွေးလာတာ ရှက်စရာလို့ မြင်ကြတဲ့ လူတစ်ချို့ ရှိကြသေးတယ်ဗျ။ လူ့အသိုင်းအဝိုင်းဆိုတော့ လူကြီး၊ လူငယ်၊ ကျား၊မ အကုန်ပါတာပေါ့ဗျာ။

လူသားတွေ ဆုတောင်းဖို့ သွားတဲ့ ဘုရားကျောင်းမှာ အမျိုးသမီးတွေ ဒီလောက်နာကျင်နေတဲ့အချိန် ဘာလို့ သွားပြိး ဆုတောင်းခွင့်မရကြတာလဲ?

ဘုရားဆိုတာ ဖေးမကယ်တင်ရှင်လို့ ခံယူနေတဲ့အချိန် ဒီမိန်းကလေးတွေ ဘာလို့ သူတို့ဆီ ခိုလှုံခွင့်မရတာလဲ?

တစ်ကမ္ဘာလုံးရဲ့လူဦးရေတစ်၀က်လောက်တစ်နှစ်ကို ၁၂ ခါဖြစ်နေကျတဲ့ Period, Menstruation (ရာသီလာတယ်) ဆိုတာက ညစ်ညမ်းတယ်၊ ဘုန်းနိမ့်တယ်၊ လာဘ်ပိတ်တယ် လို့ပြောမယ်ဆိုရင် ရာသီလာတဲ့ဖြစ်စဉ် ကိုအခြေပြုလို့မွေးဖွားလာတဲ့ ကျွန်တော်တို့က ပိုလို့တောင် ညစ်ညမ်းတယ်၊ ဘုန်းကံနိမ့်ပါးတယ်၊ လာဘ်လာဘတွေကင်းမဲ့ကြတယ်။

ကျွန်မ ရာသီစလာတဲ့နေ့က မှတ်မှတ်ရရ နာဂစ်မုန်တိုင်းမတိုက်ခင်တစ်ရက်။ အဲ့တုန်းက ကျွန်မရဲ့ မိန်းမတစ်ယောက်အဖြစ် ဖြစ်တည်မှုဟာ သိပ်လွယ်ကူအေးချမ်းနေမှာမဟုတ်တဲ့ ရှေ့ပြေးနမိတ်ပုံတစ်ခုလို့ ကျွန်မတွေးမိတယ်။

ရာသီလာတယ်ဆိုတာကို ဘယ်တုန်းကမှထွေထွေထူးထူးမတွေးခဲ့မိဖူးဘူး။ တစ်ခုပဲ။ ငယ်ငယ်က ညဘက် အပေါ့ထသွားရင်း သွေးစဆင်းတော့ pad စခံရတယ်။ အဲ့တုန်းကအိမ်သာထဲမှာ ငါတစ်သက်လုံးနေ့တိုင်းဒီ pad ကြီးအတွင်းခံမှာ၀တ်ရတော့မှာပဲဆိုပြီး မှားတွေးပြီးငိုဖူးတယ်။ အဲ့ရယ်စရာလေးတော့မှတ်မိတယ်။